Hérna úti má finna teiknimynda sögu um elg sem heitir Helgi. Ég er ekki frá því að það sé líka smá svipur með okkur. Minnir man pínu á looney toons... veiðimaður að elta elginn og elgurinn leikur á hann. Rétt eins og Kalli Kanína og hvað hann nú hét sem var alltaf að reyna að veiða Kalla.
Svo eru aðeins 27 dagar í að ég komi heim og nóg að gera í skólanum. Þessa dagana er ég að reyna að semja stykki sem byrjar á solo fyrir básúnu... það gengur ekki vel, en ég finn á mér að á morgun muni innblásturinn koma. Í dag fann ég nokkur áhugaverð básúnu video á youtube. Hér sjáið þið Christian Lindberg flytja verk eftir ("tón")listamanninn John Cage. Merkileg stúdía á básúnunni...
svo að segja allar mögulegar leiðir kannaðar til að skapa hljóð á básúnu. Annað verk sem hefur gert garðinn frægan eftir Cage: "4:33" þar sem píanóleikarinn kemur inn á sviðið og sest við píanóið en situr í þögn í nákvæmlega 4 mínútur og 33 sekúndur. Verkið er þá bara öll þau hljóð sem heyrast í áhorfendum. Þeas andadráttur, hósti, brak í stólum, umferðin fyrir utan o.s.frv. Gott að pæla aðeins í Cage til að víkka aðeins upplifun manns á tónlist.
Ég er nú ekki að leytast við að semja svona Cage básúnu verk , en það er gott að vita hvaða möguleika maður hefur :)
-HR
ps. ég ætla að setja nýjasta video blogið inn líklega á morgun...
4 comments:
Ég er nú allveg sammála, þessi elgur er bara næstum því eins og tvíburabróðir þinn :)
Eg held þetta reddist allveg hjá þér Helgi minn eins og alltaf :) ... ef ekki þá bara geriru svona þögn eins og kallinn :)
haha já ! ... góð hugmynd !! :)
vinalegar skepnur en óspennandi á diski, hvernig væri að semja verk undir áhrifum frá Afríku , regndans frá Rúanda eða gleðióð frá Ghana , bara hugmynd,músikin frá suður afríku er sjúklega flott
veistu pabbi , þetta er e-ð sem mig langaði alltaf að gera ... en það er rosalega erfitt að finna "raunverulegar" upptökur til að stúdera. Ég fór á öll helstu tónlistarbókasöfn á höfuðborgarsvæðinu en fann bara nýaldar afríku tónlist. Ekkert af þessu ekta gamla tribal. Kannski ég ætti að sjá hvort ég finni e-ð hérna úti ?
Post a Comment